ٻيون خطائون ٿيون لکين، اهڙي خطا پهرين نه ٿي،
هيءَ زندگي مون کان مٺا، ايڏي خفا پهرين نه ٿي.
سک چينَ جو نالو ڪٿي، آهي رهيو سنسار ۾،
زندگي ايئن تن تنها، ڪنهن ڀي لڱا پهرين نه ٿي.
تون ڀلي پيو ڪر جَفا، مون کان وفا پئي پهچندي،
مون کان اڳي منهنجا مٺا، اهڙي وفا پهرين نه ٿي.
جا ڏيو سا ڀل ڏيو، دل لڳائڻ جي سزا،
مون کان پُني جھڙي به آ، اهڙي دعا پهرين نه ٿي.
جو اکين ۾ آ رکيل، جادو سحر يا ڪو اکر،
”نفيس“ نيڻن جي اڳيان اهڙي نگاهه پهرين نه ٿي.
*