تنهنجي قدم قدم تي، سجدا هزار منهنجا،
ڇا کان کسي وئين دلبر، صبر و قرار منهنجا.
تنهنجون حسين ادائون، موهي وجھن ٿيون مون کي،
دل ٿي چوي او جاني! ماڻيو هي پيار منهنجا.
ظالم آهي زمانو، ڦهلي متان فسانو،
مِل مِل وري او مٺڙا، منٺار يار منهنجا.
تون ئي رهين فڪر ۾، سهڻا تنهنجي هجر ۾،
وهندا رهيا سراسر ، نيڻن مان نار منهنجا.
دل کي گھڻو جهليان ٿو، پيارا پرين پليان ٿو،
پر سا، رهي ٿي مانڌي، سيني سوار منهنجا.
آ دل سان دل ملايون، گيت ”نفيس“ ڳايون،
ڪر تون قبول ڪاملَ، ٻانهن جا هار منهنجا.
*