27. محبت جا موتي (فقير علي گوهر قريشيءَ جو ڪتاب)
ڪتاب مان چونڊ مولود هتي پيش ڪجي ٿو:
آيو مڪي ۾ پاڪ محمدﷺ سونهن ڀريو سردار آ،
ڪِنن ڪوجهن سان پيار پنهل جو سهڻو اکڙين ٺار آ،
ساري لوڪ مٿان آ، سيّد جي ته ستاري،
ڏاڍي پنهل کي آ پنهنجي اُمت پياري،
ڪين ڇڏيندو ڪنهن کي غم مٽيندڙ غمخوار آ.
زمين ۽ عرش اعظم تي آ سائينءَ جي به رسائي،
خدا آهي محمدﷺ جو محمدﷺ جي آ خدائي،
ساريءَ دنيا جو دلبر شافي شفا دار آ.
عرض ”علي گوهر“ جا مالڪ شال اگهائيندو،
روضو پاڪ رسول اللهﷺ جو پرور پاڻ پسائيندو،
اٿم اُميدون ٿينديون عيدون، سڪ مون کي صدبار آ.