پـُڇي ٿي پيار منجهان ڇا کي پيار چئبو آ؟
چوان ٿو سادگي اهڙيءَ کي پيار چئبو آ.
صحيح سڃاتو سين ساجن، پِي عشق جو پيالو،
اصل ۾ هوش کي هتڙي خمار چئبو آ.
هِتي نه عشق نه ئي عقل، علم آهي ڪو،
انهي ئي حال کي ڏاها! ڏڪار چئبو آ.
شڪار آهه شڪاريءَ کي شڪار ڪيو،
جو هوش هاري انهي کي شڪار چئبو آ.
لهُو لهُو رڳو لاشا گُلن جا پيا آهن،
ٻُڌاءِ يار! انهي کي بهار چئبو آ.
هي حُسن عشق، وفا ۽ جفا ختم ٿي وئي،
ڀلا پو ڇاهي جنهن کي پائدار چئبو آ؟