نه ڪر تلوار جي ڳولها نه ڪر ڪنهن تير جي ڳولها،
پرين ڏي، سوچ پنهنجيءَ کي اَمنُ جي هير جي ڳولها.
عقيدن جي انڌيرن ۾ متان وچڙي وڃين مِٺڙا،
ويٺو ٿئي من اندر مُرشد نه ڪر ڪنهن پير جي ڳولها.
کُلي اکڙيون صبح جو روز اهڙا خواب ارپين ٿيون،
نه وِسرن ٿا نه وِکرن ٿا اٿن تعبير جي ڳولها.
هُجي اهڙو ٿئي جيڪو محافظ ديس ڌرتيءَ جو،
ڪري ٿي سنڌ جي هر ڀيڻ اهڙي ويرجي ڳولها.
جنهن ۾ جڪڙي زماني جا سڀئي ظالم ڪجن قابو،
ڪيان ٿو مان پيو زاهد اهڙي زنجير جي ڳولها.