لوڪ ادب، لساني ۽ ادبي تحقيق

دنيا جون شاعر عورتون

هن ڪتاب ۾ اڍائي ٽن هزار سالن جي عرصي تي ڦهليل عورتن جي پيڙائن جي تاريخ آهي. هن ۾ عيسوي سن کان به اڳي جي شاعرائن کان وٺي ويهين صديءَ جي پڇاڙي تائين، يونان جي سيفوءَ کان وٺي هندستان جي امرتا پريتم تائين وڃي شاعرائن جي خيالن، جذبن ۽ احساسن ۾ هڪجهڙائي حيرت ۾ وجهندڙ آهي.
Title Cover of book دنيا جون شاعر عورتون

ليڊي اوٽومو آف ساڪانو(٧٢٨ع کان ٧٤٦ع)

هيءَ اوٽومو سوڪونامارو سان پرڻيل هئي ۽ ڪيترائي ٻار هئس. هڪ ڌيءَ به شاعر هئس جيڪا ”ليڊي اوٽومو آف ساڪانو جي وڏي ڌيءَ“ طور سڃاڻبي هئي. سندس هڪ ڀائٽيو اَوٽومو ياڪموچن به وڏو شاعر هو.

[b]اڻ ڄاتو پيار
[/b]اڻ ڄاتو پيار
اهڙو تلخ هوندو آهي
جيئن ڪو ڪنوارو سوسن جو گل
جيڪو اسريو هجي
آرهڙ جي آلي مٽيءَ ۾
***
منهنجي دل، اهو سوچي ته
”هو ڪيڏو پيارو آهي“
ڪنهن تيز وهڪري وانگر
بند مٿان بند ٻڌڻ جي باوجود
ڄڻ قابوءَ ۾ ناهي!
***