ما گڊا پورٽل : پيرو (١٩٠١ع)
شڪ
اداس ڍنڍون
ٿڌن ستارن کي وھنجارين ٿيون
آءٌ خود پنهنجي بي يقينيءَ کان
تنگ ٿي پئي آھيان
ھلڪن ڌڪن سان شڪ نرم پوي ٿو
۽ تنهنجو مون لاءِ شڪ ڏسي
خود منهنجو پاڻ تان اعتبار کڄي ٿو.
ڊپ جي سنهڙي بليڊ سان وڍيل اکيون
ڏرا ڏنل آخري حد تائين ڊنل اکيون
رات جي اڌ ڪلاڪ جي پسار مھل
ڏڪندڙ، مدد لاءِ ايلاز ڪندڙ
منهنجي سامھون ھيون!
***
۽ تون آھين
منهنجي ڪٺ پتلين جي ٿيٽر جو جادوگر
۽ آءٌ سنهڙي رسيءَ تي ھلندڙ
آخري امتحان تائين
۽ ھلندي رھنديس خاموشيءَ ساڻ
جيسين تنهنجون اکيون منهنجي ڪرڻ جو اعلان ڪن!
***
اي زندگيءَ کي توازن ڏيڻ وارا
آءٌ رڙ ڪرڻ ٿي چاھيان
”ڪري پئو، ڪري پئو!“
۽ راھھ جا سڀ پٿر رت سان ڀرڻ ٿي چاھيان.
***
تنهنجي نگھبان اکين اڳيان
منهنجي رڳن جا ڌاڳا جھليندڙ!
پنهنجن سگھارن ھٿن سان
مون کي پيڙا ڏيندڙ جادوگر!
آءٌ تنهنجا ھٿ چُمڻ ٿي چاھيان.
***