لي چو : چين (ساڳيو دؤر)
عوام لاءِ ڪڻڪ جو لڻڻ
ھي سال سٺي فصل جو آھي
ڪڻڪ ڳاھجڻ لاءِ آندي وڃي ٿي
ٻيو نمبر ڀيڻ ان کي لُڻي ٿي
وڏي ڀيڻ ان کي ڳاھي ٿي
ٽيون نمبر ڀيڻ ان کي ڇنڊي ۽ ڦوڪي ٿي
ته جيئن اھا وائرجي صاف ٿئي
۽ بُهھ کي صفائيءَ سان ڌار ڪري ٿي
گول گول ڏاڙھونءَ جي داڻن جيان چمڪندڙ سھڻا داڻا
ڏند سان چڪ وجھي چکڻ جھڙا داڻا
اس تي سُڪايل ڪڻڪ جي داڻن جو پھريون سونهري ڍڳ
اسين عوام ۾ ورھائڻ لاءِ رکون ٿا
ته اھو اکين کي ڪيڏو نه وڻي ٿو!
***