هت ڇڏائي وئين پرين،
دل ڏکائي وئين پرين.
مون تي منهنجا اي سڄڻ،
سڀ کِلائي وئين پرين.
ننڊ هئي قرار هو،
ڇو ڦٽائي وئين پرين.
تون اماس رات سان،
اڄ ملائي وئين پرين.
اعتبار هئا گهڻا،
پر رلائي وئين پرين.
خاڪ ٿي هي زندگي،
جڏ جلائي وئين پرين.
ڪتاب ”من صحرا صحرا“ اوهان اڳيان پيش ڪري رهيا آهيون. ھي ڪتاب نامياري شاعر ۽ ليکڪ بلوچ صحبت علي جي شاعريءَ جو مجموعو آھي. بلوچ صحبت جي شاعريءَ ۾ خيالن جي بلُنديءَ سان گڏ فني حوالي سان نون، اصلاحن ۽ استعارن جي مناسب انداز ۾ جڙاوت ملي ٿي، جيڪا پڙهندڙن جي دل کي موهي وجهي ٿي.
بٽڻن کي دٻائيندي فونٽ سائيز مٽايو