شاعري

من صحرا صحرا

ڪتاب ”من صحرا صحرا“ اوهان اڳيان پيش ڪري رهيا آهيون. ھي ڪتاب نامياري شاعر ۽ ليکڪ بلوچ صحبت علي جي شاعريءَ جو مجموعو آھي. بلوچ صحبت جي شاعريءَ ۾ خيالن جي بلُنديءَ سان گڏ فني حوالي سان نون، اصلاحن ۽ استعارن جي مناسب انداز ۾ جڙاوت ملي ٿي، جيڪا پڙهندڙن جي دل کي موهي وجهي ٿي.

Title Cover of book Man Sehra Sehra

سپنا

سپنا

سپنا ساڳيا راهون ساڳيون،
توبن دل جو آهون ساڳيون.

واپس ڪر تون ساڳيو پيار،
جي ٿي ڀانئين پاڻ کي ڌار،
منهنجو من ڪنهن ٻار جيان،
تنهنجا ويرا واهون ساڳيون.
تــو بــن دل جــون آهـــون ســاڳــيـون.

گهاريل گهڙيون ياد اچن ٿيون،
تنهنجون پريتون من ۾ کُڄن ٿيون،
وارن ۾ ٿي هٿڙا ڦيرين،
ياد اچن ٿيون ٻانهون ساڳيون.
تــو بــن دل جــون آهـــون ســاڳــيـون.

ڪير ٿو ڪنهن جي لاءِ مري هت،
ٿڌڙا ٿڌڙا ساهه ڀري هت،
پنڌ پريت جو اوکو ڏاڍو،
روز ٻڌان ٿو دانهون ساڳيون.
تــو بــن دل جــون آهـــون ســاڳــيـون.