شاعري

اي چنڊ ڀٽائيءَ کي چئجان

اسان يقين سان چئي سگھون ٿا تـ هي ڪتاب سنڌي شاعريءَ جي تاريخي اڀياس لاءِ گم ٿيل ڪڙيءَ وانگر آهي، 70ع ۽ 80ع وارا ڏهاڪا سنڌي معاشري ۽ ادب لاءِ هڪ اهم دور رهيا آهن. سنڌي سماج جي سامهون اها چئلينج سياسي ۽ معاشرتي طور تي اڀري آئي هئي جتي تاريخي طور تي سهپ ۽ دانش وارين روايتن کي اڻسهپ ۽ انتهاپسندي وارين روايتن ۾ تبديلي ڪرڻ جي شعوري ڪوشش رياستي ذريعن سان ڪئي وئي.
Title Cover of book اي چنڊ ڀٽائيءَ کي چئجان

سور هڪ جاءِ تي هجي

سور هڪ جاءِ تي هجي
تـ کڻي صبر ڪجي،
تنهنجو هڪ گھاءٌ هجي
تـ کڻي شڪر ڪجي
من منهنجي تـ اڄ ٻڌي ئي نـ ٿو،
کوڙ سمجھايو اٿي مانس
دلاسا ڏيئي
پيار سان
ڇڙٻ ڏيئي
هار مڃي،
پوءِ بـ تڙڦي ٿو،
روئي ڳائي ٿو،
پوءِ بـ چئي ٿو تـ
آءُ پريت ڪريان
پوءِ بـ چئي ٿو تـ
آءُ سور سهان
پوءِ بـ چئي ٿو تـ
آءُ جيئرو هجان
۽ چپ نـ رهان