محبت وارا ننڍڙا لمحا، ڪجهه به نه هوندي سڀ ڪجهه آهن،
نظرن وچ ۾ هلندڙ نغما، ڪجهه به نه هوندي سڀ ڪجهه آهن.
دل ۽ روح سندا سڀ رشتا، ٿين ثبوتن کان به مٿي ٿا،
ظاهر ۾ هي سهڻا رشتا، ڪجهه به نه هوندي سڀ ڪجهه آهن.
پيار ڀريا جملا ته هيا ڪي، تنهنجي دل ۾ قيد رهيا جَي،
مون لئه بي آواز سي جملا، ڪجهه به نه هوندي سڀ ڪجهه آهن.
ڪالهه پَٽيا مون تو لئه گلڙا، دُور هيا پر تنهنجا هٿڙا،
هاڻي مُرجھايل سي گلڙا، ڪجهه به نه هوندي سڀ ڪجهه آهن.
تعبيرن جي گهاٽي وڻ لئه، ٻِجَ جيان هي سپنا آهن،
جيون ڪن ٿا سهڻو، سپنا، ڪجهه به نه هوندي سڀ ڪجهه آهن.
****