شاعري

چاندني تو سوا نه ٿيندي

ڪتاب ”چاندني تو سوا نه ٿيندي“ سنڌي ٻوليءَ جي خوبصورت شاعر مسرور پيرزادي جي شاعريءَ جو پهريون مجموعو آهي. هي ڪتاب ڪنول پبليڪيشن، قنمبر پاران 2001ع ۾ ڇپايو ويو.
Title Cover of book چاندني تو سوا نه ٿيندي

مان سدا تنهنجي نظر ۾ گُم رهيس،

مان سدا تنهنجي نظر ۾ گُم رهيس،
نينهن جي نياري نگر ۾ گُم رهيس.

منزلن جي سوچ ئي وسري وئي،
عشق جي بس مان سفر ۾ گُم رهيس.

ڪاش مون کي تون تراشين ها ڪڏهن!
مان هميشه ئي پٿر ۾ گُم رهيس.

جنهن ۾ ٿورو وقت تو گهاريو هيو،
مان سدا تنهن يار ! گهر ۾ گُم رهيس.

****