ٻه اکر
تحقيقي مقصدن جي لاءِ اسان سنڌ جي چونڊ نوجوان عالمن کي حڪمت قرآن انسٽيٽيوٽ ۾ موقعا فراهم ڪيا ۽ انهن جي محنتن جي نتيجي ۾ اڻ ڳڻيا علمي شھ پارا جڙي تيار ٿيا. مولانا شعيب الرحمان کهڙو حڪمت قرآن انسٽيٽيوٽ جو لڳ ڀڳ ٻه سال رفيق رهيو ۽ هن ”قرآن تي عمل“ ”انساني شخصيت جي ترقي قرآن جي روشني“ ۾ ۽ سنتن تي مشتمل ڪتاب سنڌي ترجمو ڪيا ۽ زير مطالعه ڪتاب ”قرآن اوهان کي ڇا ٿو چوي؟“ مرتب ڪري ورتو. اهڙي طرح حڪمت قرآن جي پاران نڪرندڙ توحيد رسالي جي لاءِ پڻ مولانا شعيب الرحمان مضمون لکندو رهيو.
هي ڪتاب قرآن حڪيم جي بنيادي تعليم ۽ پيغام کي سمجهائيندڙ سولي سنڌي ۾ بيحد اهم مواد تي آڌاريل آهي جيڪو اميد آهي ته سنڌي ٻوليءَ جي پڙهندڙن لاءِ قرآني ڄاڻ ۽ حڪمت جو ڀنڊار ثابت ٿيندو. اسان سمجهون ٿا ته قرآن مجيد جي حوالي سان ٿيندڙ ههڙين موچارين ڪوششن کان عام ماڻهن توڻي طالب علمن کي بهره ور ڪرڻ هن دور جي بيحد اهم ضرورت آهي. ان ڪري هي ڪتاب تڏهن وڌيڪ نتيجا ڏيندڙ ثابت ٿيندو جڏهن هن کي وڌ ۾ وڌ ڦهلايو وڃي ۽ خاص ڪري تعليمي ادارن ۾ تعليمي مقصدن لاءِ هن مان استفادو ڪيو وڃي.
نور احمد ميمڻ
ڊائريڪٽر
حڪمت قرآن انسٽيٽيوٽ