عالمگير نظام:
وَ اِنۡ مِّنْ اُمَّۃٍ اِلَّا خلَا فِیۡہَا نَذِیۡرٌ ﴿۲۴﴾ (فاطر:24)
۽ اهڙي ڪا امت نه آهي جنهن ۾ ڪو به ڊيڄاريندڙ نه گذريو آهي.
وَّ لِكُلِّ قَوْمٍ ھَادٍ ٪﴿۷﴾ (الرعد:7)
۽ هر قوم کي (سڌي) واٽ ڏيکارڻ وارو ٿيو آهي.
وَ لِكُلِّ اُمَّۃٍ رَّسُوۡلٌ ۚ (يونس:47)
۽ سڀ ڪنهن امت لاءِ هڪ رسول آهي.
جڏهن ته ان جي ابتڙ قرآن جي دعوت ۽ قرآن جو منشور عالمگير ۽ ابدي آهي. اهو ڪنهن خاص خطي يا ڪنهن خاص قوم جي لاءِ مخصوص نه آهي، بلڪه اهو پوري انسانيت جي لاءِ الله تبارڪ و تعاليٰ جو منشور ۽ دستور آهي. قرآن جو اعلان آهي.
وَ مَا هُوَ اِلَّا ذِكْرٌ لِّلْعٰلَمِیۡنَ ﴿٪۵۲﴾ (القلم: 52)
هوڏانهن اهو (قرآن) جهانن لاءِ نصيحت آهي.
تَبٰرَکَ الَّذِیۡ نَزَّلَ الْفُرْقَانَ عَلٰی عَبْدِہٖ لِیَكُوۡنَ لِلْعٰلَمِیۡنَ نَذِیۡرًا ۙ﴿۱﴾ (الفرقان:1)
اهو وڏي برڪت وارو آهي جنهن پنهنجي ٻانهي(محمد مصطفيٰ ﷺ) تي (حق ۽ باطل ۾) فرق ڪندڙ ڪتاب نازل ڪيو. هن لاءِ ته جهان وارن کي ڊيڄاريندڙ ٿئي.
قرآن مجيد قيامت تائين ايندڙ سمورن انسانن جي لاءِ الله تبارڪ و تعاليٰ جي طرفان رهنمائي، هدايت، ٻاجهه، فضل ۽ڪرم جو نه کٽندڙ سرچشمو ۽ آب حيات آهي، قيامت تائين ايندڙ انسان ان مان ئي هدايت ۽ فيض حاصل ڪندا رهندا ۽ قرآن مجيد قيامت تائين ايندڙ انسانن جي لاءِ زندگي گهارڻ جي سڀني گهرجن ۽ طريقن لاءِ مڪمل ضابطه حيات ۽ دستور العمل آهي.