بي مقصد باطل قوتون
وَلَوِ اتَّبَعَ الْحَقُّ اَهۡوَآءَهُمْ لَفَسَدَتِ السَّمٰوٰتُ وَ الْاَرْضُ وَ مَنۡ فِیۡہِنَّؕ بَلْ اَتَیۡنٰہُمۡ بِذِكْرِهِمْ فَہُمْ عَنۡ ذِكْرِهِمۡ مُّعْرِضُوۡنَ ﴿ؕ۷۱﴾ (المئومنون: 71)
۽ جيڪڏهن سچو رب انهن جي خواهشن تي هلي ته آسمان ۽ زمين ۽ جيڪي انهن جي وچ ۾ آهي، سي تباهه ٿي وڃن ها، بلڪه اسان کين سندن نصيحت پهچائي ڇڏي سو اهي پنهنجي نصيحت تي ڌيان نٿاڪن.
قرآن ڪريم جي صورت ۾ پوري انسانيت جي لاءِ قيامت تائين هڪ فيصلو ۽ خدائي منشور آيل آهي. هاڻي جيڪو ان کي ڇڏي باطل پرستن جي نفساني خواهشن جي ڪڍ لڳندو، ان کي الله تبارڪ و تعاليٰ جي عذاب کان ڪير به بچائي نه سگهندو، قرآن جو اعلان آهي.
وَکَذٰلِکَ اَنۡزَلْنٰہُ حُكْمًا عَرَبِیًّا ؕ وَلَئِنِ اتَّبَعْتَ اَهۡوَآءَهُمۡ بَعْدَ مَا جَآءَکَ مِنَ الْعِلْمِ ۙ مَا لَکَ مِنَ اللہِ مِنۡ وَّلِیٍّ وَّلَا وَاقٍ ﴿٪۳۷﴾ (الرعد:37)
۽ اهڙيءَ طرح اسان ان (قرآن) کي عربي زبان ۾ حاڪم ڪري نازل ڪيو آهي. ۽ جيڪڏهن تون سندن خواهشن جي تابعداري ڪندين ان کان پوءِ جو توکي علم پهچي چڪو آهي ته توکي الله (جي عذاب) کان (بچائڻ لاءِ) تنهنجو نه ڪو دوست ۽ نه ڪو بچائڻ وارو ٿيندو.