ٻڌڻ ۽ تابعداري ڪرڻ:
فَبَشِّرْ عِبَادِ ﴿ۙ۱۷﴾ الَّذِیۡنَ یَسْتَمِعُوۡنَ الْقَوْلَ فَیَتَّبِعُوۡنَ اَحْسَنَہٗ ؕ اُولٰٓئِکَ الَّذِیۡنَ ہَدٰىہُمُ اللہُ وَ اُولٰٓئِکَ ہُمْ اُولُوا الْاَلْبَابِ ﴿۱۸﴾ (الزمر آيت 17-18)
پوءِ (اي پيغمبر ﷺ ) منهنجن انهن ٻانهن کي خوشخبري ٻڌاءِ جيڪي ڳالهه ٻڌن ٿا پوءِ ان مان تمام چڱيءَ تي هلن ٿا اهي آهن جن کي الله هدايت ڪئي ۽ اهي ئي عقل وارا آهن.
هتي هي به ياد رکڻ گهرجي ته صرف غور سان ٻڌڻ ڪافي نه آهي. بلڪ قرآن مجيد جي هر حڪم تي عمل ڪرڻ به ضروري آهي، بنا عمل وارو علم دماغي عياشي آهي. تنهن ڪري مٿين آيت سڳوريءَ ۾ غور سان ٻڌڻ کان پوءِ اتباع ۽ تابعداريءَ جو ذڪر ڪيو ويو.