انسان جي امين واري حيثيت:
وَ اَنۡفِقُوۡا مِمَّا جَعَلَكُمۡ مُّسْتَخْلَفِیۡنَ فِیۡہِ ؕ (الحديد: 7)
۽ ان (مال) مان خرچ ڪريو جنهن ۾ اوهان کي پنهنجو نائب ڪيو اٿس.
ڌرتيءَ تي اصل اختيار ۽ مالڪي الله جي آهي.زمين جا خزانا سڀ ان جا آهن، انسان صرف نائب ۽ خليفو آهي، جيڪڏهن ڪو ماڻهو امانت ۾ خيانت ڪندو ته تباهي ان جو مقدر هوندي، دنيا ۽ آخرت ۾ ان کي ڪٿي به سڪون ۽ راحت نه ملندي. پر جي هو خدا جي امانت خدا جي ٻانهن تائين پهچائيندو ته دنيا ۽ آخرت جون سعادتون ان جا پير چمنديون. قرآن جو اعلان آهي.
وَلَوْ اَنَّہُمْ اَقَامُوا التَّوْرٰىۃَ وَ الۡاِنۡجِیۡلَ وَمَاۤ اُنۡزِلَ اِلَیۡہِمۡ مِّنۡ رَّبِّہِمْ لَاَکَلُوۡا مِنۡ فَوْقِہِمْ وَمِنۡ تَحْتِ اَرْجُلِہِمۡ ؕ مِنْہُمْ اُمَّۃٌ مُّقْتَصِدَۃٌ ؕ وَکَثِیۡرٌ مِّنْہُمْ سَآءَ مَا یَعْمَلُوۡنَ ﴿٪۶۶﴾
(المائده: 66)
۽ جيڪڏهن اهي تورات ۽ انجيل ۽ جيڪي انهن ڏي سندن پاليندڙ جي طرفان لاٿو ويو آهي. تن (جي حڪمن) کي قائم ڪن ها ته پنهنجي مٿان کان ۽ پنهنجي پيرن جي هيٺان کان ضرور (روزي) کائين ها. انهن مان هڪ جماعت سڌي رستي تي هلندڙ آهي. ۽ انهن مان گهڻا جيڪي ڪن ٿا، سو بڇڙو آهي.