حڪمت ڀريو ڪتاب:
وَ اِنَّہٗ فِیۡۤ اُمِّ الْکِتٰبِ لَدَیۡنَا لَعَلِیٌّ حَکِیۡمٌ ؕ﴿۴﴾ (الزحزف:4)
”۽ بيشڪ اهو (ڪتاب) لوح محفوظ ۾ اسان وٽ (لکيل) آهي (۽) وڏي مرتبي وارو(۽) حڪمت وارو آهي.
۽ اهو حڪيم ۽ عليم پالڻهار جي طرفان نازل ٿيل آهي.
وَ اِنَّکَ لَتُلَقَّی الْقُرْاٰنَ مِنۡ لَّدُنْ حَکِیۡمٍ عَلِیۡمٍ ﴿۶﴾ (النحل: 6)
۽ بيشڪ توکي حڪمت واري ڄاڻندڙ وٽان قرآن ڏنو وڃي ٿو.
هڪ ٻئي جڳهه تي ان ساڳي مفهوم کي هن ريت بيان ڪيو ويو آهي:
تَنْزِیۡلُ الْکِتٰبِ مِنَ اللہِ الْعَزِیۡزِ الْحَکِیۡمِ﴿۱﴾ (الزمر:1)
”(هن) ڪتاب جو نازل ڪرڻ زبردست ۽ حڪمت واري الله جي طرفان آهي.“
پنهنجين حجتن، دليلن ۽ برهانن ۾ ايڏو واضح ۽ چٽو ۽ غالب آهي جو باطل جا مفروضا ان جي حقيقتن جي آڏو بيهي نه سگهندا، جڏهن رب العالمين جي نظام ۾ ڪنهن قسم جو نقص ٿي نٿو سگهي ته ان جي ڪلام ۾ ڪيئن نقص هوندو، قرآن جي حقانيت بابت رب العالمين فرمائي ٿو:
وَ اِنَّہٗ لَکِتٰبٌ عَزِیۡزٌ ﴿ۙ۴۱﴾ لَّا یَاۡتِیۡہِ الْبَاطِلُ مِنۡۢ بَیۡنِ یَدَیۡہِ وَ لَا مِنْ خَلْفِہٖؕ تَنۡزِیۡلٌ مِّنْ حَکِیۡمٍ حَمِیۡدٍ ﴿۴۲﴾ (حٰم سجده: 41-42)
”۽ هيءُ هڪ عظيم الشان ڪتاب آهي، نه ان جي اڳيان ۽ نه ان جي پويان ڪوڙ جي رسائي آهي، حڪمتن واري سڀني خوبين سان ساراهيل(الله) جو لاٿل آهي.