مذهب

قرآن اوهان کي ڇا ٿو چوي؟

هي ڪتاب قرآن حڪيم جي بنيادي تعليم ۽ پيغام کي سمجهائيندڙ سولي سنڌي ۾ بيحد اهم مواد تي آڌاريل آهي جيڪو اميد آهي ته سنڌي ٻوليءَ جي پڙهندڙن لاءِ قرآني ڄاڻ ۽ حڪمت جو ڀنڊار ثابت ٿيندو. اسان سمجهون ٿا ته قرآن مجيد جي حوالي سان ٿيندڙ ههڙين موچارين ڪوششن کان عام ماڻهن توڻي طالب علمن کي بهره ور ڪرڻ هن دور جي بيحد اهم ضرورت آهي. ان ڪري هي ڪتاب تڏهن وڌيڪ نتيجا ڏيندڙ ثابت ٿيندو جڏهن هن کي وڌ ۾ وڌ ڦهلايو وڃي ۽ خاص ڪري تعليمي ادارن ۾ تعليمي مقصدن لاءِ هن مان استفادو ڪيو وڃي.
Title Cover of book قرآن اوهان کي ڇا ٿو چوي؟

تزڪيو ڇو ضروري آهي:

جيستائين ڪنهن به فرد، جماعت يا معاشري جو تزڪيو نه ٿو ٿئي، تيستائين اهو فرد يا معاشرو اڳتي وڌي نٿو سگهي، جيڪي ماڻهو ذاتي اصلاح کان وانجها آهن اهي ڪنهن به قوم يا معاشري جي قيادت ڪري نه ٿا سگهن، ڪنهن به پروگرام يا معاشري کي اڳتي وڌائڻ جي لاءِ ضروري آهي ته ان جماعت جي ڪارڪنن جي ذهني ۽ روحاني تربيت ڪجي، انهن جو ذاتي اصلاح ۽ تزڪيو ڪجي ته جيئن اهي فرد ذاتي غرضن کان مٿانهان ٿي معاشري ۽ سماج جي لاءِ ڪردار ادا ڪن.