اَچو ته قسم کڻون!
۽ رت هاڻن لمحن جا قسم کڻون
اي ڀِٽن تي واءُ جا پيرا کڻندڙ ساٿيو!
اي جبل جهانڳيندڙ ساٿيو!
اوهان سچ پچ
مورن جيان خوبصورت ۽ وڻندڙ آهيو!
بيشڪ!
اوهان ئي وقت کي چڀندڙ سُئي جيان بڻايو آهي،
هيءُ وقت هاڻي اسان سڀني کي چُڀي رهيو آهي،
ها!
اوهان ثابت ڪيو آهي ته
موت صرف مرڻ جو نالو نه آهي،
۽ ڪابه غلامي دائمي هر گز نه ٿي ٿي سگهي،
اَچو ته اِن انڪشاف جو قسم کڻون ته
اسين هميشه انقلابين سان هونداسين
۽ انهن جيان هونداسين،
ها!
اهو سچ آهي ته
ڪنهن جو به موت اسان کي پنهنجو ڪري سگهي ٿو
اي انساني آدرش جا خوابو!
اسين، اوهان کي پڪاري رهيا آهيون
اَچو!
ها!
اَچو!
اسان جي اکين ۾ لهو!
ها! گهڻو ٿي چڪو
ها!
هاڻ اکين ۾ لهو