شاعري

اچو ته خواب ڏسون

اچو ته خواب ڏسون درگاهي گبول جو شعري مجموعو آهي ۽ هي ڪتاب جهڙوڪ ڪي سنهري خواب ٿو ڏيکاري ۽ خواب خوشحالي، پيار ۽ پريت وارا خواب آهن ۽ ڪتاب جو عنوان ئي خوابن جي ڏسڻ جي دعوت ڏئي ٿو۔ مونکي حيرت تڏهن ٿي جڏهن مون هي ڪتاب پڙهيو ته سچ حيرت اها هئي ته سنڌ ۾ ڪر اهڙا به تخليقڪار آهن جيڪي ميلن جهميلن کان ڪوهين ڏور شاعري ۽ علم ادب جا ڏيئا ٻاري رهيا آهن ۽ عامّ تائين روشني پهچائي رهيا آهن ۔
Title Cover of book اچو ته خواب ڏسون

سڀ اکين تي سائين!

ڇا هر ڀورو بدن
خدا ڏانهن وٺي وڃي سگهي ٿو؟
مجاز جي اڻ هوندگي جو
منافقي سان ڪهڙو رشتو آهي؟
ڪير به نه ٿو ٻڌائي!
ڇا ڪوئي ٻڌائيندو ته
عشق، ڪبوتر جي اڏار ۾ آ
يا تلوار جي تيز ڌار ۾؟
هتي هر جنگ
ٻي جنگ شروعات آهي
۽ امن هڪ نئين امن جو ڳولائو!
غير جانبداري ڇا آهي؟
مصلحت پسندي،
فطري جذبو آهي يا سماجي؟
ماڻهو ڄائي ڄم کان ڀڙ آهي
يا انساني عملن جو ڪرشمو آهي؟
سڀ اکين تي سائين!
پر هتي اهو ڪير ٻڌائي ته
بندوق پلال ۾ آهي!!!