سنڌ مونسان ڳالهائي رهي آهي
سمورا بخيا اڊيڙي ڇڏيا آهن،
هي ٿورين جا ٿانو مون لاءِ مقدس آهن،
۽ ڀيلن جا سدا حيات ڀاڪر منهنجي نج سونهن آهن،
ها! آءُ تنهنجي تهذيب کان بغاوت ڪريان ٿو
۽ تنهنجي حلال _ حرام واريون
هٿڪڙيون پائيڻ کان انڪار ڪريان ٿو،
ها! مون پگهر جي خوشبو سنگهي آهي
۽ گهڻو تبديل ٿي رهيو آهيان،
هي ڀٽائي منهنجو پيغمبر آهي،
مونکي عالم انسان ۽ فطرت سان عشق آهي،
ڇا تون نٿو ٻڌين؟
هي تاريخ ڇا چئي رهي آهي؟
آءُ گهڻو ڪجه ٻڌي رهيو آهيان
هي ٿر _ بر مونسان ڳالهائي رهيو آهي
ها! هي سنڌ مون سان ڳالهائي رهي آهي!!