آگاهي
پرھ جي پار ڏي هلجي
صدين جي هن ٿڪاوٽ کي
ڇڏي ٻئي پار ڏي هلجي
قتل ٿئي ڪو نگاهن جو
نڪي آ جي فضائن جو
اچو ويڙهي ڇڏيون قصو
گناهن ۽ ثوابن جو
مُلن، ڀومن نوابن جو
۽ بي تُڪن عذابن جو
هتي هر ڪَل ڀي ڪافر
۽ توسان جو پيو گذري
اهو هر پل ڀي ڪافر
چپن جي دين جو هتڙي
آهي هر ڳل ڀي ڪافر
هيءَ نوڙت، نياز ڀي ڪافر
هي سُر ۽ ساز ڀي ڪافر
پنهنجي هر وک ڀي ڪافر
۽ ساري ڏک ڀي ڪافر
لڳي ائين ٿو سچ پچ ئي
سنڌو جي تک ڀي ڪافر
رڳو هي ساه جسمن جو
ناهي پُوراءُ جيون جو
جو سوچي ٿو ايئن ويهي
انهي جي سوچ ڀي ڪافر
انهي جي لوچ ڀي ڪافر
۽ هر هڪ ”بيچ“ ڀي ڪافر
هي تنهنجي چيچ ڀي ڪافر
اڙي هر هر جتي دلڙي،
اهي ٻئي نيڻ ڀي ڪافر
ٻري جا گهگھ اندھ ۾
بتي سا ميڻ ڀي ڪافر
موهيو جن من منهنجي کي
اهي ٻئي پير ڀي ڪافر
انهن جي ڇير ڀي ڪافر
پنهنجو ان سان وڃي ڀي ڇا؟
چئي ڀل ڪير ڀي ڪافر
مگر سوچي پيو ماڻهو
اهڙي هر ڏاڍ مڙسي تي
ڏيان ٿو جي ڪا آگاهي
ڏيئي هر دين ٿو ڦاهي
ڏيئي هر دين ٿو ڦاهي