نانءُ تُنهنجي جي تلاوت ٿي وئي،
روح منهنجي جي رياضت ٿي وئي.
لاش پويان لاش ملندا ٿا رهن،
اڄ ته مقتل گاهه رياست ٿي وئي.
ماءُ جيجل جا چميا ٿم پير اڄ،
مٿڀري منهنجي عبادت ٿي وئي.
گند جي ڀي ڍير کان زياده گندي،
هاءِ! اڄ ڪلهه جي سياست ٿي وئي.
سچّ لٽڪايو ويو چونڪ تي،
ڪوڙ جي هرجا حمايت ٿي وئي.
درس وٺندا ٿا رهن قتلام جو،
ڪيڏي سستي آ هدايت ٿي وئي!
سي سڄو جيون ملامت ۾ رهيا،
محب جي جن کان شڪايت ٿي وئي.
روپ ڌاري عيد جو ويٺا اچي،
مهرباني آ نهايت ٿي وئي.
جيئن سندر مون ڏٺو چهرو هيو،
تيئن حاصل ڪا ولايت ٿي وئي.
رات پوئين پهر ها پويان پساه،
”هُو هلي آيو، عنايت ٿي وئي“.
نانگ کي چٿجي جئين آڪاش تئين،
من مروڙڻ جي روايت ٿي وئي!