شاعري

جـلاوطـن نـنـڊون

مصطفيٰ آڪاش جي سموري ڪويتا فني ۽ فڪري فريم ۾ موهيندڙ منظرنامو آهي. جنهن ۾ ٻوليءَ کان موسيقيت تائين ۽ تشبيهن کان استعارن تائين، نئين ٽهيءَ جي نواڻ رکندڙ کيپ جو رهيل خزانو دريافت ٿيل ملي ٿو. سنڌي شاعريءَ جي خوشحال دور ۾، مصطفيٰ آڪاش جي جلاوطن ننڊون جي موجودگي، پنهنجي اندر ۽ ٻاهر هڪ الڳ سڃاڻ ۽ حسناڪيءَ جو سفر آهي. (سعيد سومرو)
Title Cover of book جـلاوطـن نـنـڊون

ڪجهه لمحن جو ساٿ

نيڻن کي سجدن ۾
جهڪائي رکيل
تنهنجي اها ياد
نه وسرندي آهي
رابيل جي پنکڙين جهڙن چپڙن تي
زور ڏيندي !
مرڪندي اهو چوندي رهينءَ
’خاموش ٿي آڪاش ماريندي سانءِ‘
نه چاهيندي به
گهڻو ڪجهه ڏيئي وئينءَ
منهنجي زندگي جي جُملي کي
هڪ لمحي جو
فل اسٽاپ ڏيئي وئينءَ.