شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5435
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

پنهنجي وچ ۾ جي فاصلا آهن،

پنهنجي وچ ۾ جي فاصلا آهن،
ڇا مقدر جا فيصلا آهن؟

دل ڏکائي وري مٿان مرڪڻ،
اڄ جي ماڻهن جا مشغلا آهن.

قُرب جيڏو به ڏين پر پو ڀي،
دوست پرپٺ ڪندا گلا آهن.

پنهنجي منزل تي ويو پُڄي رهبر،
ويا رُلي راهه قافلا آهن.

آئون ڏاريان پيو ڏاڍ جا ڏونگر،
ڏات ارپيان هي حوصلا آهن.

ڪنگ اجرا ڪٿي اڏامي ويا؟
ڪپ تي وڻ هي هيڪلا آهن.

دور "مخمور" جي نگاهن کان،
سارا منظر هي ڌنڌلا آهن.