شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5436
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

هو جو چنچل اکين سان ڇُهي آ ويو

هو جو چنچل اکين سان ڇُهي آ ويو
جو صدين جو هيو ٿڪ لهي آ ويو

تنهنجي چاهت جي خوشبوءِ ۾ سانورا!
روح جو روح ڀي واسجي آ ويو

رولُ جذبن ۽ دل هن ننڌڻڪيءَ جي
اجنبي ڪو ڪري وارثي آ ويو

نفرتن جي هلي راهه تي ٿو ڏسان
پيار جو پيچرو جڳُ ڀلي آ ويو

جي قيامت نه آهي ته ڇا هي، خدا!؟
ٻارُ معصوم ڪوئي ڪهي آ ويو.

گهر جي غمگين مخمور! آڳر مٿان،
رات خوشين جو بادل وسي آ ويو.