شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5435
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

تنگ ها ڪيترا،

تنگ ها ڪيترا،
عشق جا پيچرا.

خواب ڏاڍو اڏيا،
پر نه اڀ تي پڳا.

لوڪ لئه شعر ها،
درد مون جي چٽيا.

ڏک اڏوهيءَ جيان،
جند کائي ويا.

ساهه مومل ڏنو،
رات راڻي بنا.

ويا پگهاري پٿر،
وقت جا حادثا.

تنهنجا! مخمور کي،
درد ڀي دادلا.