شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5436
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

اسانجي ٽڪر ۽ ڳڀا زندگي آ،

اسانجي ٽڪر ۽ ڳڀا زندگي آ،
رڳو حادثا حادثا زندگي آ.

لڳو عشق جو مرض هو جو ازل کان،
انهيءَ ۾ اڃان مبتلا زندگي آ.

وڏو ڪو ته درياهه ناهي حياتي،
فقط دوست! ٻٽڙي ڦڙا زندگي آ.

سفر ڇو نه ٿو هي کٽڻ جي ڪري ڪا،
ٿڪي ڪيترو پئي خدا زندگي آ.

جڏهن کان ڇڏيو ساٿ سانول اسان جو،
تڏهن کان اسان کان خفا زندگي آ.

پئي روز صحرا اندر سمنڊ ڳولهي.
پياسي نه ڪيڏي رضا! زندگي آ.