شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5435
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

دل جي رڃ ۾ رلن پيا سپنا،

دل جي رڃ ۾ رلن پيا سپنا،
پياسا پياسا لڳن پيا سپنا.

ساڀيائن جا چپ چمڻ جي لئه،
مدتن کان سڪن پيا سپنا.

ڪو حقيقت جو ويس اوڍڻ لئه،
خواب ڪيڏا ڏسن پيا سپنا.

جاڪون آهيون جدا ٿيا، تاڪون!
اجنبي سڀ لڳن پيا سپنا.

نرتڪي! ايئن نه ڇير کي ڇمڪاءِ،
منهنجا ننڊ مان اٿن پيا سپنا.

تو پڄاڻان پرين! رکيون مون کي،
جيئرو هي اچن پيا سپنا.