شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5435
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

وقت جي فرش تي ڪري عينڪ،

وقت جي فرش تي ڪري عينڪ،
ڀروسي جي پئي ٽٽي عينڪ

تو کي ساريندي او سڄڻ سائين!
مونسان هئي رات ڀي رني عينڪ.

ڪيئن؟ ميسيج مان پڙهان هن جا،
گهر جو آيو هان مان ڀُلي عينڪ.

ڪيڏي اهميت ٿي سا رکي مون لئه،
تو جا! تحفي ۾ آ ڏني عينڪ.

کير جهڙي سفيد چهري تي،
ڪيڏي سندر لڳي پئي عينڪ.

مون تلا شي گهڻي زماني ۾،
ماڻهپي جي نه پر ملي عينڪ.

روهڙي شهر مان ننڍي هوندي،
بابا هڪ هئي ڏني وٺي عينڪ.