شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5435
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

اک اک کي ڇُهي رهي آهي

اک اک کي ڇُهي رهي آهي
لونءَ ڪانڊارجي رهي آهي

منهنجي من ۾ تکي ڪنڊي وانگر
ياد تنهنجي! چڀي رهي آهي

جيڏو ويجهو وڃان ٿو هن جي مان
دُور اوڏو وڃي رهي آهي

پنهنجي من ۾ لڪائي ماتم کي
ناچڻي ڇو نچي رهي آهي؟

بي وفائي دنيا سموريءَ ۾
مرض وانگي وڌي رهي آهي

تنهنجي دردن کان تنگ ٿي آخر
دل ڪري خودڪشي رهي آهي