شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5436
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

درد جو پنڌ نيٺ کٽڻو آ،

درد جو پنڌ نيٺ کٽڻو آ،
ماڳ سک جو ڪڏهن ته اچڻو آ.

ڪوششون رائگان نه وڃڻيون هن،
ديپ طوفان منجهه ٻرڻو آ.

زندگيءَ جي اداس ڪونڊيءَ ۾،
ڪو ته مرڪن جو گل ٽڙڻو آ.

سرخ نيڻن ۾ جنهن پناهه وتي،
موت تنهن کي ڪڏهن نه اچڻو آ.

هاڻ مومل نه ڪا جنم وٺندي،
۽ نه راڻو به ڪوئي ڄمڻو آ.

ڪيستائين؟ خلا ۾ دم ڏيندو،
نيٺ چنڊ تي چڪور رسڻو آ.