شاعري

هينئڙي منجهه هڳاءُ

هي ڪتاب ”هينئڙي منجهه هڳاءُ“ نئين ٽهيءَ جي خوبصورت شاعر مخمور رضا جي شاعريءَ جو پهريون مجموعو آهي. سائل پيرزادو لکي ٿو ”مخمور جي شاعريءَ جي آرسي به پنهنجي دور جي درد جا ڪيئي عڪس سانڍيون بيٺي آهي. مخمور جي شاعراڻي نگاهه ڏاڍي حُسناڪ آهي، هن وٽ شئن کي ڏسڻ، ۽ بيان ڪرڻ جو هڪ پنهنجو انداز آهي، جيڪو هن پنهنجي ننڍڙي شاعراڻي ڄمار ۾ حاصل ڪري ورتو آهي، اهو شايد هن جي جنون جو معجزو آهي.“
  • 4.5/5.0
  • 5436
  • 776
  • آخري ڀيرو اپڊيٽ ٿيو:
  • مخمور رضا
  • ڇاپو پھريون
Title Cover of book هينئڙي منجهه هڳاءُ

نگاهن ۾ لڪائين هان!

نگاهن ۾ لڪائين هان!
امر مون کي بڻائين هان!

ٻين کي ڏين نه هان، ڏک آ،
خنجر خود ئي هلائين هان!

رڪاوٽ دڳ جي هُس تنهنجي!
ته تون بي شڪ هٽائين هان.

هجين هان جي سڄڻ اي دل!
ته ڇو ايڏو رلائين هان.؟

اچين! هان خون ۾ رنڱجي،
نه سر ليڪن جهڪائين هان.

اکيون مخمورَ! هجنين هان،
ته دوکا ڪونه کائين هان.