راهه ۾ هلندي رستا ڳالهائن ٿا،
پيار پنهنجي جا قصا ڳالهائن ٿا.
شيش محل ۾ رهندو آهين،
آئيني اڳيان شيشا ڳالهائن ٿا.
چاهت ۾ چَپ چُرندا رهن ٿا،
اَڻ پيتيءَ جا ڄڻ نشا ڳالهائن ٿا.
سامهون ڏسندي منهن ٿو مٽائين،
دوريءَ جا ڄڻ ويڇا ڳالهائين ٿا.
پيار تي لڳندا پهرا ته آهن،
ماري وجهندا خدشا ڳالهائن ٿا.
سونهن تنهنجيءَ جو سلامي آهيان،
ڏسندي ڏسندي جذبا ڳالهائن ٿا.
”قرني“ اويس سان ڀر ۾ ويهين ٿو،
جڳ هي سارو، رشتا ڳالهائن ٿا.