منهنجي اکين جو آر، اهو نٿو سمجهين؟
تون آهين منهنجو پيار، اهو نٿو سمجهين؟
تون آءُ تنهنجي مَست نيڻن جو طواف ڪيان،
تون آن منهنجي نيڻن جو ٺار، اهو نٿو سمجهين؟
تنهنجي ڦوهه جواني مون کي ماري ٿي،
آيو موٽي آ بهار، اِهو نٿو سمجهين؟
تنهنجي ڪري ماڻهو چريو چريو ٿا چَون مون کي،
ٿيس مان زماني ۾ نروار، اهو نٿو سمجهين؟
پيار تنهنجي جي خواري مٿي تي کنئي مون،
تنهنجي ڪري ٿيس مان خوار، اهو نٿو سمجهين؟
ڪڏهن ڪَهي ايندين تون منهنجي اڱڻ تي،
ناهي ڪو دل کي قرار، اهو نٿو سمجهين؟
تنهنجي ڪري روح رڙي ٿو، دل ٿي لڇي ”اويس“،
دل توکي ڇهڻ لاءِ، تيار، اهو نٿو سمجهين؟