تو منهنجي زندگي اُجاڙي آهي صنم،
تو ڪهڙي ڳالهه دل جي تاڙي آهي صنم.
هن دل نادان کي تو ستايو آ ڏاڍو،
رقيبن اڳيان منهنجي دل تو ساڙي آهي صنم.
مون سان نه ملڻ لئه منهنجا پرين،
پنهنجي اندر ۾ ڳالهه پاڙي آهي صنم.
مون تي ڇو نه ٿو تون رحم ڪرين،
ڇا لئه منهنجي زندگي تو بگاڙي آهي صنم.
مون جيڪا توڏي قرب واري چٺي آ مڪي،
ڇا لئه منهنجي چٺي تو ڦاڙي آهي صنم.
اڳ ته هر روز مونکي ڏسندي رهي آن تون،
هاڻي پنهنجي نگاهه ڇو تو لاڙي آهي صنم.
اصل کان ئي مان تنهنجو ديوانو آهيان،
اويس ”قرنيءَ“ جي دل تو واڙي آهي صنم.