تنهنجون يادون دل ۾ چڀن هر وقت،
تنهنجو هر ڪنهن کان پڇن هر وقت.
تنهنجا رستا نهاري نيڻ ڪين ٿڪجن،
تنهنجون راهون، اکڙيون چُمن هر وقت.
پيو تون سزائون ڏي مون کي او! پيارا،
توکي پسڻ لاءِ نيڻ راهن ۾ کُپن هر وقت.
سوچ جي سمونڊ ۾ اُٿن جي لهرون،
توکي موتين جيان ميڙي لَڀن هر وقت.
رُڃ ۾ ٿو رُلندو، وتان تنهنجي ڪري،
نيڻ تنهنجي ووڙ ۾ ٿا رهن هر وقت.
متان تون غير ڏانهن وڃي او! پيارا،
غيرن سان نيڻ ڪين ٺهن هر وقت.
”قرني“ مان چاهيان ٿو روز ملين مون سان،
هر هر ٿئي سدا پنهنجو مِلن هر وقت.