شاعري

وساري نه ڇڏجو

ادل سومري جي هن ڪوتا-ڪتاب ”وساري نه ڇڏجو“۾ دوها، بيت غزل، گيت، وايون، نثري نظم ۽ ترائيل شامل آهن. فني ۽ فڪري اعتبار کان ادل جي سموري شاعريءَ ۾ هڪڙو توازن آهي، جو هن کي ڪٿي به ٿاٻڙجڻ کان روڪيو بيٺو آهي. خاص طرح هن جي غزل جي اظهار ۾ جيڪا شعريت(Poetocness) پيدا ٿي پئي آهي، اُن جو رنگ ئي ڪجهه اور آهي.
  • 4.5/5.0
  • 6788
  • 1365
  • آخري ڀيرو اپڊيٽ ٿيو:
  • ادل سومرو
  • ڇاپو پھريون
Title Cover of book وساري نه ڇڏجو

دوستيءَ کي روشني سمجھي اسان

دوستيءَ کي روشني سمجھي اسان
ڪلهه وياسين راههَ ۾ رُلجي اسان.

پيار واري شهر ڏي ويندي سَڄڻَ!
ڪين پوندا سين ڪڏهن ٿڪجي اسان.

هُو ويا سڀُ هيڪلو مون کي ڇڏي
ڄڻُ وياسين ساٿَ مان ڪٽجي اسان.

زندگي توسان نڀايون ٿا اچؤن
هونئن ويا هُون دردَ ۾ لَٽڪي اسان.

هُن ڪَئي مُرڪي سڀن جي آجيان
پر وياسين ميڙَ مان رهجي اسان.

تون نه ٿو چاهين ته پو تو وٽ پرين!
ڪين اينداسين ڪڏهن ڀُلجي اسان.