شاعري

وساري نه ڇڏجو

ادل سومري جي هن ڪوتا-ڪتاب ”وساري نه ڇڏجو“۾ دوها، بيت غزل، گيت، وايون، نثري نظم ۽ ترائيل شامل آهن. فني ۽ فڪري اعتبار کان ادل جي سموري شاعريءَ ۾ هڪڙو توازن آهي، جو هن کي ڪٿي به ٿاٻڙجڻ کان روڪيو بيٺو آهي. خاص طرح هن جي غزل جي اظهار ۾ جيڪا شعريت(Poetocness) پيدا ٿي پئي آهي، اُن جو رنگ ئي ڪجهه اور آهي.

4.5/5.0
6788
1365
آخري ڀيرو اپڊيٽ ٿيو:
ادل سومرو
ڇاپو پھريون

مُنهنجو مَن مُرڪيو

تُنهنجي اُماڻيل ڪارڊَ ۾
لکيل ڇا به هُيو
مُنهنجو مَن مُرڪيو.

دروازي جي اوٽَ مان
اکين ڪُجهه چيو
مُنهنجو مَن مُرڪيو.

مُنهنجو شعري ڪتابُ تو
مون کان اچي گھُريو
مُنهنجو مَن مُرڪيو.

اڏري کنڀُ هو تُنهنجي
وارن ۾ اٽڪيو
مُنهنجو مَن مُرڪيو.

گُل چُمي هو تو جڏهن
مون ڏي ڪو اڇليو
مُنهنجو مَن مُرڪيو.