شاعري

وساري نه ڇڏجو

ادل سومري جي هن ڪوتا-ڪتاب ”وساري نه ڇڏجو“۾ دوها، بيت غزل، گيت، وايون، نثري نظم ۽ ترائيل شامل آهن. فني ۽ فڪري اعتبار کان ادل جي سموري شاعريءَ ۾ هڪڙو توازن آهي، جو هن کي ڪٿي به ٿاٻڙجڻ کان روڪيو بيٺو آهي. خاص طرح هن جي غزل جي اظهار ۾ جيڪا شعريت(Poetocness) پيدا ٿي پئي آهي، اُن جو رنگ ئي ڪجهه اور آهي.
  • 4.5/5.0
  • 6788
  • 1365
  • آخري ڀيرو اپڊيٽ ٿيو:
  • ادل سومرو
  • ڇاپو پھريون
Title Cover of book وساري نه ڇڏجو

جو ٿَر ۾ ڏِٺو هوندَئي

جو ٿَر ۾ ڏِٺو هوندَئي.
ٻُڏتَر ۾ ڏِٺو هوندَئي.

جنهن پيارَ کي ٺُڪرايو
ٺوڪَر ۾ ڏِٺو هوندَئي.

هڪ چهرو ئي هرڪنهن
منظر ۾ ڏِٺو هوندَئي.

شيشي جي وڏائيءَ کي
پٿرَ ۾ ڏِٺو هوندَئي.

ڳولا ٿو ڪرين جنهن جي
دلبَر ۾ ڏِٺو هوندَئي.

هڪ پيارَ سِوا ڪُجھهُ نه
هِن گھَر ۾ ڏِٺو هوندَئي.

عيبن جُون ٻُڌي ڳالهيون
اندرَ ۾ ڏِٺو هوندَئي.

محبوبَن جي ڪاوڙ کي
خنجَر ۾ ڏِٺو هوندَئي.