شاعري

وساري نه ڇڏجو

ادل سومري جي هن ڪوتا-ڪتاب ”وساري نه ڇڏجو“۾ دوها، بيت غزل، گيت، وايون، نثري نظم ۽ ترائيل شامل آهن. فني ۽ فڪري اعتبار کان ادل جي سموري شاعريءَ ۾ هڪڙو توازن آهي، جو هن کي ڪٿي به ٿاٻڙجڻ کان روڪيو بيٺو آهي. خاص طرح هن جي غزل جي اظهار ۾ جيڪا شعريت(Poetocness) پيدا ٿي پئي آهي، اُن جو رنگ ئي ڪجهه اور آهي.

4.5/5.0
6788
1365
آخري ڀيرو اپڊيٽ ٿيو:
ادل سومرو
ڇاپو پھريون

چنڊَ تي ڄڻُ ڄارَ ٿا پئجي وڃن

چنڊَ تي ڄڻُ ڄارَ ٿا پئجي وڃن.
تُنهنجي مُک تي وارَ ٿا پئجي وڃن.

تُون ٿئين ناراضُ پو ڄَڻُ ائين لَڳي
حُسن تي هٿيار ٿا پئجي وڃن.

گھَر خوشيءَ جا ڪيترا ڪمزور هِن
ٿوري ڏُک تي ڏارَ ٿا پئجي وڃن.

پيارَ جو اهڃاڻُ آ جو بي سببُ
پاڻَ ۾ تڪرارَ ٿا پئجي وڃن.

سوڀَ ٿي نادم بڻائي ۽ ڪڏهن
هارَ تي ڀي هارَ ٿا پئجي وڃن.