اي ڊسمبر الوداع
¬¬
جنوري ۾ نئين سال جي ٿي خوشي
مُند مٽجي وري ويس پاتو نئون
فروري ۾ به ساڳيو تسلسل رهيو
آرزوءَ جا سوين محل من ۾ جُڙيا
ماهه مارچ هوائون ڪيون تيز ڪجهه!
دل بهارون پسڻ جون اميدون ڪيون
خوب اپريل ۾ چيٽ چانڊاڻ ٿي
پر خبر ڪونه پيئي بهارن سندي
ڪجهه مئي ۾ تپش سج سندي ٿي گهڻي
سوچ ويچار جا دَر کُلي سڀ پيا
جون ۾ لُڪ ڪري ساهه سوگهو ڇڏيو
هڪ بڊو اڪبري ٻيو ته غربت گهڻي
ڏينهن جولاءِ جا ٿي وڏا پيا صفا
ڪونه راحت ملي زهر جيون بڻيو
مينهن مهينو سڄو منجهه آگسٽ وٺا
گهر ڪکاوان ڀِڄائي سڀئي چَٽ ڪيا
ٻوڏ جهڙو لڪاءَ سيپٽمبر ۾ ٿيو
مال - ماڻهن سندو جاڙ جيئڻ بڻيو
آڪٽوبر اچي اهنج ٻيڻا ڪيا
”پرِ ته پَرِ پَرَ ڏسو هيل ڀي هيل آ“
سور نومبر ڏنو هر گهڙيءَ ۾ نئون
سرد موسم کڻي پار آيو اُتر
الوداع اي ڊسمبر اٿئي الوداع
سال پورو ڏکن ۾ بسر ٿي ويو