ڪنهن ڀي در تي دان نه مِليو،
دردن جو درمان نه مِليو،
سنڌ سموري گهَر گَهر ووڙيم.
نفرت ڪينو ڪوڙ ڪَدورت،
ڪو به سچو دل جان! نه مليو،
سنڌ سموري گهَر گَهر ووڙيم.
لالچ ۽ نه مفاد سوا ڪِٿِ،
سک سندو سامان نه مليو،
سنڌ سموري گهَر گَهر ووڙيم.
دل جو ڪشتو خالي خالي،
پيار محبّت مان نه مليو،
سنڌ سموري گهَر گَهر ووڙيم.
عشق عقيدت سونهن سچائي!
جو راکو نگران نه مليو،
سنڌ سموري گهَر گَهر ووڙيم.
مسجد مندر ”سوز“ ڪليسا!
ڪنهن جاءِ ڀڳوان نه مليو،
سنڌ سموري گهَر گَهر ووڙيم.