جوئاري ڳوٺ ۾ هِڪڙو،
ڏوهاري ڳوٺ ۾ هِڪڙو،
ڦِٽي ننڊون سڀن جون ويون.
مُلان مؤذن ميان مُفتي،
يا قاري ڳوٺ ۾ هِڪڙو،
ڦِٽي ننڊون سڀن جون ويون.
وڏيرو ڪڙم لئه بڻيو،
قهاري ڳوٺ ۾ هِڪڙو،
ڦِٽي ننڊون سڀن جون ويون.
خوشين تي زهر ويو هاري،
لُهاري ڳوٺ ۾ هِڪڙو،
ڦِٽي ننڊون سڀن جون ويون.
اليڪشن جي ڪري ويٺو،
تياري ڳوٺ ۾ هِڪڙو،
ڦِٽي ننڊون سڀن جون ويون.
عَشر زڪوات کائي ويو،
عَياري ڳوٺ ۾ هِڪڙو،
ڦِٽي ننڊون سڀن جون ويون.
لهاري: خوفناڪ وڏو نانگ ازدها
عياري: دوکيباز ٺڳ
®