مالديپ ۾ مانڊاڻ

مالديپ هڪڙو خوبصورت ملڪ آهي. جيڪو نيري نيري بحر هند سمونڊ تي واقع آهي. فيروزي پاڻيءَ وارو، ڪشش رکندڙ پاڻيءَ وارا ولاز/بنگلا، سرسبز، ساواڻ، جي سونھن واري ڌرتي، نرم ملائم واري وارن سامونڊي ڪنارن جو هي ملڪ ڪيترين ئي خوبصورت ۽ حيرت ۾ وجهندڙ حسين، پرلطف، سرگرمين جي ڪري گهڻو مشھور آهي.
مالديپ ۾ ڳالھائي ويندڙ قومي ٻولي ”ڊهيوي“ Dhivehiآهي. ڊهيوي ٻولي ۾ 24 اکر هوندا آهن، جڏهن تہ اسان جا 52، انگريزي ۾ 26، اردو ۾ 38 /39 اکر آهن. هنن جي الفابيٽ ۾ الف، ڪاف، با، را، نون، ش، ھہ، گاف، لام، ٿا، ميم، واو، ساڳيو ئي اسان وارو وا، سين، ث، ذ، ح، خ، ز، ش، ص، ض، ط، ظ، ع، غ، ق، و، مالديوي Thaana Script ۾ لکندا آهن. 
ٿانا اسڪرپٽ اصل ۾ 17 صدي جي پيداوار آهي. هن ٻوليءَ ۾ 10 حرف علت آهن ۽ 29 حرف صحيح آهن. انھن vowels کي يا نشانين کي هن ٻولي جي خاص نشانين سان ظاهر ڪيو ويندو آهي. جيئن اسان وٽ ”زبر“. ”زير“، ”پيش“، ”مد“ ۽ ”شد“ وغيرہ سان. هي ڏسو. هي بہ عربي رسم الخط مطابق لڳي ٿي. 
 

 هي ماڻھو بہ اسان جيان ساڄي کان کاٻي پاسي لکندا آهن. مالديپ جا ماڻھو انگريزي روانيءَ سان ڳالھائي سگهن ٿا. مالديب جا مشھور کاڌا جن جو مون مٿي ذڪر ڪيو آهي، انھن ۾ فرائيڊ يامس، ماس بني، گارودهيا، مسروشي، بوشي، مشوني، بس ڪيميا، مالديوين لائيو لابسٽر ۽ ساگو بونڊي بائي اچي وڃن ٿا . 
مالديپ سفر جي لاءِ مڪمل طور تي محفوظ ملڪ آهي. برصغير جي ڏکڻ ۾ گول ٻيٽن جي حسين امتزاج تي مشتمل ملڪ مالديپ آهي. مشھور واپاري مارڪو پولو هن خطي کي قدرتي خوبصورتي جي ڪري ئي هن کي “فلاور آف انڊيز” سڏيو هو. جڏهن تہ عظيم مسلمان مسافر ۽ مفڪر ۽ چوڏهين صدي ۾ مالديپ جي قاضي چيف جسٽس محمد ابن بطوطہ هن خطي کي دنيا جي عجوبن مان هڪڙو عجوبو One of the wonders of the world قرار ڏنو هيو.