مان ته گهڻو پي ويٺو آهيان.
مست صفا ٿي ويٺو آهيان.
خيال مٽائڻ خاطر پيتم،
درد ۾ ڀرجي ويٺو آهيان.
رات سڄيءَ ۾ اک نه لڳي آ،
جاڳي جاڳي ويٺو آهيان.
تنهنجي خاطر سرتي سهيو مان،
گرمي سردي ويٺو آهيان.
آهيان رُٺل پر، نينهن نشي ۾،
توسان پرچي ويٺو آهيان.
توکي مٿي ۾ سور نه پئي شل،
آڌي مانجهي ويٺو آهيان.
تنهنجي هڪڙي جلوي خاطر،
کوليو کڙڪي ويٺو آهيان.
سچ چوڻ مونکان نه ڇڏيو ٿيو،
نيٺ جُدا ٿي ويٺو آهيان.
جيئن سُرور شبير ٿيا تيئن،
تڙپي تڙپي ويٺو آهيان.