تون ڪنهن ڏور ستاري وانگي.
آنءٌ تڪيان تاساري وانگي.
منهنجا ڳل پياسا ٿر جان،
تنهنجون مٺيون وسڪاري وانگي.
مونکي اهڙو پيار نه گهرجي،
ڏين جو قرض اُڌاري وانگي.
تنهنجي دوريءَ منجهه لڳان ٿو،
سيءَ ۾ ساڙيل پاري وانگي.
تو بن گيت، غزل، ۽ ڪافيون،
لکجن پيا ڪيڏاري وانگي.
روز هِتي مظلوم پيا جهپجن،
بازن جي لاماري وانگي.
هڪڙي رات گذاري ڏس ڪا،
تون ڪنهن پيٽ بُکاري وانگي.
منهنجو پيار بهارن جهڙو،
تنهنجو درد اونهاري وانگي.
دل جي تند وڄي ٿي ’شبير‘،
روز پئي يڪتاري وانگي.