ڪهڙو وري پيو واءُ اَلا، هي ڪهڙو وري پيو واء.ُ
ڀاءُ جو دشمن ڀاءُ الا، هي ڪهڙو وري پيو واء.ُ
يارن ۾ ناهي ياري ساڳي
پنهنجن مان ويو ساءُ اَلا، هي ڪهڙو وري پيو واءُ.
پل ۾ رت جي هولي کيڏڻ
پوءِ عمر پڇتاءُ اَلا، هي ڪهڙو وري پيو واء.ُ
پيٽ بُکيو پاڙي ۾ انهيءَ لئه
ناهي اٽي جو پاءُ اَلا، هي ڪهڙو وري پيو واء.ُ
حال ڏسي ٿي ڳوڙها ڳاڙي
مٺڙي مارل ماءُ اَلا، هي ڪهڙو وري پيو واء.ُ
سيال ”شبير“ تون سوچ نه ايڏو
ٿي نه پوئي سوداءُ اَلا، هي ڪهڙو وري پيو واءُ.